企業社會責任（CSR）係一個好熱門嘅話題，好多企業都想知道點樣喺追求盈利嘅同時，都可以對社會同環境做出正面嘅影響。但係究竟CSR係乜嘢？可以點樣評估同實踐？有冇實際嘅做法或者例子可以參考？今日就藉住呢篇blog同大家分享下CSR嘅定義同重要性，仲會介紹點樣透過ESG（環境、社會和治理）同企業義工服務（Corporate Volunteering）實踐CSR。咁樣，你嘅企業唔單止可以係經濟層面有所貢獻，仲可以實現更加可持續同有意義嘅發展。準備好未？一齊嚟睇下啦！ 目錄 （一）企業社會責任（CSR）嘅定義和好處 （二）ESG係咩？三大要素帶你簡單認識 ESG （三）CSR同ESG有咩分別？ （四）ESG嘅準則同指引 — 認識三大GRI面向 （五）企業義工服務點樣幫助ESG嘅 “S” （六）人力資源部同事（HR）搵企業義工服務嘅難處 （七）Time Auction 企業義工服務平台 （一）企業社會責任（CSR）嘅定義和好處 根據聯合國工業發展組織嘅定義(1999 年，時任聯合國（UN，United Nations）秘書長安南（Kofi Anan）倡議要求公司落實CSR)，CSR係指企業營運時將社會和環境議題納入考量，同時平衡股東以及持分者嘅期望。簡單嚟講，即係企業營運之餘，仲要關心自己對社會同環境嘅影響，並且盡到自己應該做嘅責任。CSR唔單止係企業嘅道德責任，仲可以直接幫助企業嘅發展策略，為企業提升品牌形象、增強競爭力、吸引同留住好嘅員工、減低風險等；長遠嚟講，做好CSR可以吸引潛在新顧客群，同時鞏固現有客源。 喺香港，最早將CSR概念正式提出嘅係2004年嘅香港交易所(HKEX)《企業管治報告》。跟住喺2015年4月生效，2022年1月再次更新嘅《企業管治守則》中，都有明確提到CSR嘅重要性。報告中第二條部分指出「發行人應有其企業策略及長遠的業務模式。長遠的財務表現而非短期收益才是一項企業管治的目的。發行人董事會不應承受不當風險，為求短期收益而損及長遠目標」，呢段話清晰地反映CSR對企業嘅根本重要性。如果你對CSR有興趣，或者將來需要負責撰寫企業管治報告，編者強烈推薦你閱讀HKEX – 09年的《企業社會責任報告》同埋呢份守則，因為兩篇文章都易於理解而且具長遠價值。 CSR涵蓋咗好多方面，例如環境保護、社會貢獻、員工福利、消費者權益、供應鏈管理、公司治理等。以下將會為你簡而精咁重點講下！ （二）ESG係咩？三大要素帶你簡單認識ESG ESG，即環境（Environmental）、社會（Social）和治理（Governance）嘅首字母縮寫，係一個同氣候信息披露（Climate Disclosures）相關嘅概念。佢強調企業需要重視環境保護、社會責任和治理質量。呢個觀念最早係由聯合國喺2004年嘅《Who Cares Wins》報告中提出。報告強調「ESG問題對聲譽和品牌產生強烈影響，這是公司價值日益重要的一部分。無形資產（包括聲譽和品牌）占上市公司總市值的三分之二以上並不罕見。未來，ESG問題可能對公司的競爭力和財務業績產生更大的影響。」。 HKEX 2022年新修訂的上市公司《企業管治守則》亦明確要求「發行人須在刊發年報時，同時刊發環境、社會及管治報告」（主板上市規則第13.91(5)(d)條／GEM上市規則第17.103(5)(d)條） ESG可作為企業經營的數據及評量指標，並幫助投資者、消費者、員工同其他利益相關者參考企業經營嘅可持續性及投資決策評估嘅重要資訊（金融管理局會參照「氣候風險評估」進行量化測算，以分析和優化外匯基金「投資組合」喺短、中及長期下嘅風險狀況同韌性）。具體來講，ESG包括以下三個主要範疇： 環境（Environment）：關注企業如何管理對自然資源和生態系統嘅影響，例如減少碳排放、節能和節水、使用可再生能源，以及減少廢物和污染。 社會（Social）：除了營收和股東責任，企業還需要對員工和社會承擔責任。這包括保護員工健康和安全、提供一個公平和多元化嘅工作環境、尊重人權和勞工權益，以及支持社區和公益活動。 治理（Governance）：著重於企業如何設計和實施內部規章和道德標準，包括提升董事會獨立性和多樣性、防止貪腐和詐騙、保護股東利益，以及提高透明度和問責。 （三）CSR同ESG有咩分別？ CSR同ESG的區別可以用一個航海的比喻來解釋。CSR似係一個廣泛的航向，提供了企業應該朝邊個方向前進嘅大致指引，主要係社會責任。但係，ESG就似係航海圖和羅盤，幫企業提供了在環境、社會同治理這三個主要領域中實現「永續發展目標」(Sustainable Development Goals，SDGs) 嘅具體路線以及操作方法。咁樣，企業不但明確知道要去邊，重知道用咩方法點樣實際到達目的地，並且可以量化進度同成效。 換句話說，CSR就似係航海嘅大方向，而ESG就係確保船隻能夠順利、安全並負責任地到達目的地嘅導航工具同評估標準。透過ESG，企業可以定期或不定期咁檢查自己係這趟航程中嘅表現，有冇持續嘅進步，或者係咪需要進行調整或者優化。 （四）ESG嘅準則同指引 — 認識三大GRI面向 ESG唔單止係評估工具，仲係行動指南，幫助企業制定同實踐相關計劃，並用報告展示企業成果。自2016年起，香港聯交所要求所有上市公司須每年發布ESG報告，並定期審閱上市公司就ESG作出披露的情況。除此之外，好多國際組織同機構都制定咗ESG相關嘅準則同指引，例如聯合國全球契約、聯合國可持續發展目標（Sustainable Development Goals，稱SDGs）、全球報告倡議組織等，推動企業實踐CSR。 下面係撰寫ESG報告需要用到嘅三大面向，照住「GRI」（Global Reporting Initiative, 全球報告倡議組織）準則，我哋一齊嚟簡單認識下呢個標準有啲咩內容: （五）企業義工服務點樣幫助ESG嘅「S」 近年香港嘅各大公司積極承擔企業社會責任（Corporate Social […]
唔少義工服務都見到年輕人嘅身影，佢哋展現出嘅活力係社區發展嘅重要動力。佢哋積極參與社區活動，為社區帶來新衝擊同創新嘅思維。同時義工服務亦提供機會畀年輕人學習同成長，鼓勵佢哋跳出自己嘅舒適圈(comfort zone)，發展技能，多認識社區，學識欣賞自己並珍惜所擁有嘅事物。但係，有咩方法鼓勵更多年輕一代投身義工服務，並令佢哋投入當中呢？ 目錄 （一）話「我」聽做義工有咩好！ 貢獻社會+個人成長 雙贏！ （二）咩都想試—多元化嘅義工機會就啱晒 （三）讓年輕人投入服務 獨立自主 （四）以身作則+回饋感謝 下次佢地再番來幫手！ （五）義工配對平台Time Auction 幫你搵到技能義工 （一）話「我」聽做義工有咩好！ 貢獻社會+個人成長 雙贏！ 想鼓勵更多年輕人參與義工服務前，我哋可以先令年輕人了解擔任義工有咩好處。義工唔只係幫助社會，亦係一個畀年輕人成長嘅機會。透過義工活動，年輕人可以培養社會意識，甚至提升專業技能。另外，義工經驗會被僱主視為加分項目，因為佢代表著有工作經驗同責任感。同時，亦反映年輕人願意接觸不同社會議題，有廣闊嘅視野。向年輕人傳達呢一點，令佢哋了解義工不單只係付出，亦係一個成長同為自己未來鋪路嘅好機會。 【如何招募技能義工？】 （二）咩都想試—多元化嘅義工機會就啱晒 年輕一代好希望接觸唔同事物。有多元化嘅義工機會，年輕人就可以根據佢哋嘅興趣同技能選擇適合嘅義工服務。呢啲服務可以係環境保護、動物福利相關嘅議題等等；或者係活動支援、市場推廣、資料搜集等技能方面。同時，亦可以提供培訓同指導，有助更好了解即將進行嘅義工服務。咁可以畀年輕人感受到義工不單單係「工作」，更係學習到新事物嘅機會，增加佢哋嘅技能同自信，促使佢哋更願意參與義工服務。 【如何招募技能義工？】 （三）讓年輕人投入服務 獨立自主 鼓勵年輕人嘅一個有效方法就係畀佢哋了解到自己嘅工作可以帶嚟正面影響，每一分嘅貢獻都係不可或缺嘅。服務期間給予佢哋自主權，畀佢哋自己作出選擇同決策。可以令佢哋感受到自己受信任。同時，當佢哋提出有用嘅建議時，不妨表示認同、讚美。對年輕人信任越多，佢哋就變得更有責任感，而對機構嘅項目更上心投入！ 【如何招募技能義工？】 （四）以身作則+回饋感謝 下次佢地再番來幫手！ 義工服務可以係年輕人喺校園以外嘅全新環境，作為帶領年輕義工嘅你可以以身作則，表現出將熱情投放喺服務上，佢哋可能會受到啟發，並做出相同嘅行動。完成義工服務後，記得表示感激，亦可提供證書，以表揚佢哋貢獻，幫助佢哋未來求職。另外，同佢地培養咗歸屬感之後，不妨邀請佢哋，建議有時間可以隨時番來幫手，甚或可以令佢哋下次搵埋身邊嘅朋友一齊做義工！ 【如何招募技能義工？】 （五）香港義工配對平台推介 為你嘅NGO招募緊義工嘅你，係咪唔知點樣入手呢。咁義工配對平台Time Auction就幫到手啦。 Time Auction喺2014年成立，致力推動義工文化，至今已為本地超過730+ NGO招募同配對超過17,700+技能義工！平台上嘅義工用戶有唔同背景、技能。亦有部分係學生，有活力、有諗法，正係搵緊發揮自己所長嘅機會！只要你係已註冊嘅慈善機構（S88）或非牟利機構（Cap 151），歡迎你同我哋book一個call，了解點樣可以免費係Time Auction平台招募技能義工幫手啦！ 【立即了解技能義工招募！】
講起做義工活動，通常只係諗到探訪老人院、海灘清潔、賣旗籌款。但事實上，義工服務嘅方式仲有好多！唔少義工機會更加可以發揮你嘅專業技能，例如運用你嘅平面設計技能幫NGO設計小冊紙、活動海報，喺青少年機構協助學生進行生涯規劃等。除咗可以關注社區需要，仲可以盡情發揮自己嘅專長，為社會作出更多貢獻。 如果你正諗住開始你嘅義工之旅，但係對住唔同義工服務又唔係好知點揀。呢個時候，千祈唔好怕咗而放棄開始，因為唔少NGO真係好需要你出一分力。 我哋已經將整理左3個steps，幫你搵到啱自己嘅義工服務，包括了解自己嘅興趣、做好research同話你聽點樣申請！ 目錄 （一）諗下自己想做咩？ （二）Research好緊要！Match你嘅目標？ （三）申請！開始義工服務！ （四）香港義工配對平台推介 （一）諗下自己想做咩？ 問下自己想做咩，呢個問題睇落好易答，但實際應該冇太多人真係即刻答得出。要搵到啱自己嘅義工服務就…….. 可以問自己以下3條問題： 有咩社會議題我最想支持？（動物福利、環保、教育？） 我有咩技能？ 我有幾多時間可以放落義工工作？ 將你嘅答案寫低，有助你搵到自己想做嘅事。假如你一直關注流浪貓狗嘅情況，同時係一位設計師，但平時工作繁忙，每星期只抽到幾個鐘做義工。如果義工工作係需要去指定地方，扣埋搭車時間就冇幾多時間真係放落義工服務上。咁嘅話你就可以總結出自己希望服務從事動物福利工作嘅NGO，擔任設計方面嘅工作，每星期可以投放嘅時間，咁樣就可快速縮細你嘅搜尋範圍。如果有NGO搵緊義工設計宣揚動物福利嘅海報，同時可以遙距工作，咁你每星期就可以安坐家中，花少少時間就可以為自己關心嘅社會議題出一分力！ 【立即開始探索！】 （二）Research好緊要！Match你嘅目標？ 你已經對自己想搵嘅義工目標有初步了解，跟著你就可以開始落手搵啦。如果你知道有咩機構喺你所關注嘅社會議題上出緊力，不妨上佢哋嘅網站、Social Media睇下有冇搵緊義工。 做義工緊係要開心！義工服務具有挑戰性，但同時亦係好有意義嘅經歷，得到新嘅體驗，又或者結識新嘅朋友。所以，記得要對你想幫手嘅NGO有所了解，睇下佢哋嘅工作同你所關注嘅社會議題夾唔夾，你可以仔細睇下佢哋嘅網站同Social Media，就可以知道NGO最近嘅活動、工作。如果你對佢哋嘅工作有興趣想出分力幫手，咁你就可以準備申請佢哋嘅義工機會啦。如果你諗唔到特定嘅NGO想幫手，可以試下用義工配對平台Time Auction，根據你所關注嘅議題、善長嘅技能，甚至服務時間同地點，篩選到啱你嘅義工活動。 【立即開始探索！】 （三）申請！開始義工服務！ 視乎NGO接受申請嘅方式，你可以經電郵、填寫申請表、義工配對平台等方法申請義工職位。唔少NGO都會想同義工先面試、進行簡單培訓或Briefing，令到NGO可以了解你嘅經驗同申請原因，你亦可以趁機了解呢間NGO係咪符合你想協助嘅範疇。 當NGO決定邀請你加入佢哋嘅義工隊伍，恭喜你！下一步就準備開始你嘅義工旅程啦。 開始前，歡迎你向機構提出任何意見同問題，例如著咩服飾、需要帶嘅物品、你嘅時間安排，方便你同機構協調工作，亦讓機構了解你嘅需要，提供資源協助你工作。 【立即開始探索！】 （四）香港義工配對平台推介 義工服務可以增值自己，學多樣技能，儲多啲經驗之餘，更好好裝備自己咁應對未來嘅挑戰：【義工經驗寫在履歷表上】為想轉工嘅你CV加分！。同時又可以更了解自己嘅興趣同能力。不如依家就跟著以上3個steps，搵你第一個義工機會，試下用香港義工配對平台Time Auction！ 你可以喺平台上就自己關心嘅議題（例如：動物福利、環境保護、教育）同擅長嘅技能、興趣（例如：攝影、設計、活動策劃），篩選出啱自己嘅義工服務。平台從2014年至今已為本地超過710+ NGO招募同配對技能義工，你亦可以係平台上了解各間NGO嘅背景，幫你慳返唔少research時間。揀啱義工機會，更加可以即刻喺平台撳掣申請，勁方便！所有嘅義工服務更可以獲得義工時數，兌換獎賞體驗！ 做義工可以幫人又可以換獎賞，即Click以下連結開始啦！ 【立即申請技能義工機會！】
招募義工對唔少NGO嚟講一啲都唔陌生。義工嘅每一份努力都為NGO帶嚟幫助。但不時都會聽到機構同義工之間因為溝通不足，令雙方出現期待落差，甚至鬧得不愉快。 其實呢個情況並唔罕見。但其實會唔會有一啲實用嘅行動NGO可以嘗試，減少可能出現嘅誤會，令合作過程更順利、更完滿呢？ 目錄 （一）機構對義工要有咩睇法 （二）招募前做好準備 避免義工「無所事事」！ （三）有效支援義工 Briefing好重要！ （四）義工服務完成後 NGO有咩要做？ （五）義工配對平台Time Auction 幫你搵到技能義工 （一）機構對義工要有咩睇法 首先，機構對義工嘅取態好重要，直接影響義工幫手嘅投入度同成果。機構應該重視義工嘅貢獻，了解佢地同樣為機構著想去出一分力，並明白義工非「免費勞工」。機構亦應該將呢個訊息傳達畀機構同事。為左有效管理義工，機構可提供培訓畀全職員工，令機構員工了解義工與全職同事係一種合作同信任嘅關係。互補不足、相互支持鼓勵。機構亦應授權全職同事作出友善指導，適時管理義工並確保有足夠溝通、進度跟進，避免全職同事向義工分配工作感到「綁手綁腳」或無禮地「呼喝命令」。當然，亦應提醒同事要保持禮貌。 【如何招募技能義工？】 （二）招募義工前做好準備 避免義工「無所事事」！ 招募義工前，應先清楚了解機構現時需招募咩類型嘅義工幫手，例如，拍攝好手（Photographer Volunteer）、設計人才（Design Volunteer）、活動策劃搞手（Event Support / Workshop Facilitator）；並且喺招募嘅宣傳品上清楚寫出項目背景，及義工需要幫手嘅內容細節，假設機構想搵活動策劃搞手，就可以列明要搞咩類型嘅活動、活動嘅持續時間、規模，以及需要搞手負責嘅細節等。咁搵緊義工嘅朋友，就可以根據自己嘅經驗同能力，考慮係咪勝任呢個義工機會，機構亦更容易更快地搵到適合嘅人才啦。 義工都希望喺服務過程期間，有充實嘅體驗。人手不足，會令義工工作量過大。同時，人手過剩，義工服務期間就會「無所事事」，義工難以從中得到體驗同感受。所以，機構務必要係招募前，先好好規劃所需人手同負責嘅工作細節！ 【如何招募技能義工？】 （三）有效支援義工 Briefing好重要！ 點樣畀到支援義工，令佢哋順利完成工作亦不容忽視。機構宜喺工作開始前給予義工清晰嘅工作指引—進行簡介會（briefing）絕對會係一個好方法。簡介會中除向義工講解所需工作時間、地點等基本資訊外，更重要係讓義工清楚了解工作內容。機構可向義工介紹機構服務宗旨同工作計劃目的，咁可以令義工容易了解應該點做係最幫到機構，令雙方達成一致嘅期望管理（Expectation Management）。假設機構為SEN兒童舉辦工作坊，想招募義工設計師設計海報。機構可向義工設計師說明工作坊嘅目的，例：係以快樂嘅氛圍下，鼓勵SEN兒童接觸不同事物及發展言語技巧。咁設計師就可將海報設計成較有活力、色彩繽紛以吸引對應群組參加。另外，簡介會亦可以畀義工感受到自己喺團隊中嘅價值同崗位嘅重要性，有助提升義工嘅自信心同工作熱情。 【如何招募技能義工？】 （四）義工服務完成後 NGO有咩要做？ 義工辛勞工作後，機構都可以有唔少行動可以做。機構不妨同義工嚟個debriefing，除左表達對義工嘅感謝外，亦可以了解佢哋嘅工作體驗，聽下佢哋喺整個義工體驗嘅感受，幫助機構更好了解義工嘅需求同期望。可以知道點樣改善義工嘅體驗之餘，亦可以令義工感受到機構對佢哋嘅尊重。如果資源許可，可向義工提供証書及津貼，表揚佢哋嘅貢獻。同時，亦可以借呢個機會邀請義工參與其他項目或活動，下次搵義工就唔使咁辛苦啦！ 【如何招募技能義工？】 （五）義工配對平台Time Auction 幫你搵到技能義工 為你嘅NGO招募緊義工嘅你，係咪對與義工合作上多左信心呢。下一步，你可能就想落手搵義工，但同時仲有啲顧慮，例如：搵唔搵到有質素、有技能嘅義工呢？有冇唔同嘅候選義工，畀我揀到最合適嘅人選呢？咁義工配對平台Time Auction就幫到手啦。 Time Auction喺2014年成立，致力推動義工文化，至今已為本地超過710+ NGO招募同配對超過17,100+技能義工！只要你係已註冊嘅慈善機構（S88）或非牟利機構（Cap 151），歡迎你同我地book一個call，了解點樣可以免費係Time Auction平台招募技能義工幫手啦！ 【立即了解技能義工招募！】
同朋友食飯嘅時候，總會有人呻下工作上嘅煩惱。特別係同一行業做左多年嘅「打工仔」怨氣特別大，總覺得工作反覆、沉悶，甚或想轉行。但當佢講起放假時候，做佢有興趣嘅事，就講到眉飛色舞。就算係做義工工作，要花時間、心機，好似仲辛苦過返工，但總有唔少朋友唔介意，仲希望將有興趣嘅義工工作變成職業。 將興趣變為職業聽落好似好難，怕自己係咪真係鐘意呢個興趣，又驚履歷表(CV)上寫唔出喺新行業嘅經驗而冇人請。想化解呢啲疑問，義工工作可能就幫到手。 目錄 （一）點解唔鐘意返工 但係鐘意做義工？ （二）為轉行儲經驗 義工工作幫到手！ （三）香港義工配對平台推介 點解唔鐘意返工 但係鐘意做義工？ 唔少「打工仔」做義工都係想搵到滿足感。平日工作反覆、沉悶。每日返工都好似部機器咁，久而久之就感覺做嘅事好似冇咩意義。所以閒時做義工就成為工作以外嘅新衝擊。 加上唔少招募義工嘅機構都係非牟利形式營運，資金有限下，義工每次嘅出力，都好幫到佢哋。完成服務後，義工更加感受到自己嘅付出係有意義，從中獲得樂趣同滿足感。作為一位義工，你可以參與你從未接觸過嘅項目，尋找自己嘅興趣。你嘅生活可以更加豐富多彩，甚或發現自己從未諗過嘅潛能。 【探索義工機會】 為轉行轉工儲經驗 義工工作幫到手獲取義工經驗！ 你有機會喺義工服務期間發握到自己嘅興趣，更可能會諗將興趣變為職業。但係轉換自己嘅職業並非易事，但Swire Trust Go-Givers 計劃嘅得獎者之一Carissa Lau就鼓起勇氣，作出改變。佢從商業管理工作，成功靠義工經驗轉行為電信公司嘅網頁設計師，開始職業生涯嘅新篇章。佢喺COVID-19疫情期間利用更多嘅時間自學UI/UX網頁設計。通過Time Auction嘅義工配對平台，佢搵到機會成為非牟利機構CantoGather嘅網站設計師。佢最終用左超過100小時，成功完成任務，並獲得了CantoGather嘅高度讚賞。Carissa相信，為CantoGather設計網頁的義工經驗為佢轉換生涯賽道提供左好大幫助。 擔任義工工作可以接觸新行業嘅資訊，更可借「實戰」獲取相關工作經驗同技能。轉行搵工嘅時候，如果CV上嘅工作經驗同新工作嘅範疇好唔同，HR難免對你冇信心，驚你經驗唔夠。但如果將義工工作嘅相關實戰經驗寫上去，請你嘅機會就直線上升！ 【探索義工機會】 香港義工配對平台推介 義工工作可以增值自己，學多樣技能，儲多啲經驗，更好咁應對未來嘅挑戰。同時又可以更了解自己嘅興趣同能力。如果你正考慮轉換自己嘅職業生涯，做義工可以為你提供一個好機會，畀你接觸到各種唔同嘅行業，搵到自己真正想要做嘅工作。如果你正想搵義工機會，可以試用香港義工配對平台Time Auction！ Time Auction喺2014年，致力推動義工文化。至今已為本地超過700+ NGO招募同配對技能義工，每個禮拜都有近100個義工服務等緊幫手！你可以喺平台上就自己關心嘅議題（例如：動物福利、環境保護、教育）同擅長嘅技能（例如：攝影、設計、活動策劃）篩選出合適嘅義工服務。超過70%嘅義工職位都可以遙距工作，冇固定地點同時間。即係話你每星期只需要抽幾個鐘，安坐家中歎住冷氣就可以做義工。所有嘅義工服務更可以獲得義工時數，兌換獎賞體驗！ 無論你係讀書定番工，喺Time Auction都可以搵到最啱自己嘅義工服務。 做義工可以幫人又可以換獎賞，即Click以下連結開始啦！ 【探索Time Auction義工機會】
到七、八月份，相信唔少學生已經著手搵工。無論你係搵暑期實習定全職，一份強大嘅CV都非常重要。 對於啱啱畢業或者尚未畢業嘅學生們，一般工作經驗唔多，CV上除左學歷就真係唔知寫咩好。但係唔少學生或多或少都有義工服務經驗，你可能都會好奇義工經驗應唔應該放落CV？ 答案肯定係’YES’。係僱主角度，求職者有義工經驗會加唔少分。因為你嘅義工經驗可以展示你良好嘅協作、管理及解決問題能力、甚或表現出你獨有嘅技能。究竟點樣將自己嘅義工經歷寫上CV先吸引到僱主呢？ 目錄 （一）點喺CV上寫上義工經驗 （二）展示你嘅「硬技能」(Hard skills) （三）展示你嘅「軟技能」(Soft skills) （四）香港義工配對平台推介 點喺CV上寫上義工經驗 當你喺CV寫上義工經驗嘅時候，要突出你透過義工工作所得到嘅技能同體會。首先，列出你服務嘅組織名稱同義工職位。之後，描述你喺義工工作期間完成嘅具體任務，以及你使用嘅技能。另外，可以將你嘅義工工作加入LinkedIn個人檔案或者作品集，以便僱主了解更多有關你嘅經驗。如果你過往嘅義工經驗同即將申請嘅工作職位相關，就一定要喺你嘅CV重點提及該經驗。 【探索義工機會】 展示你嘅「硬技能」(Hard skills) 寫CV嘅時候，強調你喺義工工作中獲得嘅「硬技能」非常重要。例如圖像設計、攝影、項目管理、活動策劃、籌款等。為咗令你嘅CV更加突出，提供具體嘅例子，解釋你點喺義工工作中應用呢啲技能。例如，你曾經參與慈善活動嘅策劃，可以提到活動嘅細節、籌集嘅資金金額或參與人數等。呢啲資訊都可以全面咁展示你嘅技能同埋經驗，喺僱主心目中留下深刻嘅印象。 【探索義工機會】 展示你嘅「軟技能」(Soft skills) 「軟技能」對團隊成功都同樣重要。你每次嘅義工工作都會投入到陌生嘅環境，同新嘅團隊成員協調，充分利用有限嘅資源，並喺具有挑戰性嘅情況下尋找成功嘅機會。唔少義工工作需要管理同領導嘅能力。不妨諗諗你係點樣管理工作。例如：你作為義工小組嘅組長，帶領咗一組義工。又或者團隊遇到難題時，你提供解決方案。甚或你曾經制定工作時間表並依時完成難度高嘅任務。管理同領導能力等嘅「軟技能」可能較難量化，但你可以透過義工工作期間嘅例子證明你擁有呢啲「軟技能」，記得喺CV上包含呢啲細節！ 【探索義工機會】 香港義工配對平台推介 義工工作可以帶嚟好多好處，無論係個人定係專業方面。當你將呢啲經驗放喺你嘅CV上，就展示你對社會責任嘅承擔、突顯你嘅技能同專業知識、同埋吸引潛在僱主。所以，記得將義工經驗寫喺你嘅CV度。如果你正想搵義工機會，可以試用香港義工配對平台Time Auction！ Time Auction喺2014年成立，致力推動義工文化，至今已為本地超過700+ NGO招募同配對技能義工，而每個禮拜都有近100個義工服務等緊你去報名幫手！所有嘅義工服務都可以獲得義工時數，兌換獎賞體驗！ 無論你係讀書定番工，喺Time Auction都可以搵到最啱自己嘅義工服務。 做義工可以幫人又可以換獎賞，即Click以下連結開始啦！ 【探索Time Auction義工機會】
咁多個香港義工配對平台之中，你有冇聽過Time Auction 呢？以下係關於Time Auction 嘅常見問題，俾你可以一分鐘內了解Time Auction 係咩嚟： （一）Time Auction係咩嚟？ Time Auction 係一個香港義工配對平台，中文譯名係「時間拍賣」，顧名思義，義工喺平台上面參加義工活動後，可以用自己嘅義工時數（Volunteer hour）兌換獎勵。 （二）Time Auction同一般義工配對平台有咩分別？ Time Auction 平台上面嘅義工服務以技能義工（Skilled-volunteers）服務為主。技能義工會運用個人技能同專長，為非牟利組織（NGO）提供專業嘅義工服務。呢類義工服務好多都可以遠程（Remote working）完成，義工可以靈活安排自己嘅工作時間同工作地點，換取義工時數。 （三）賺義工時數有啲咩好處？ 喺Time Auction上面，累積一定義工時數後可以兌換不同種類嘅獎賞。義工可以選擇同社會各界嘅專業人士會面或飯聚，交流工作經驗同人生價值，從佢地身上學習成功嘅秘訣；Time Auction亦會定期更新唔同嘅文化或健康相關嘅體驗活動，義工可以參加自己感興趣嘅活動，增值自己。 以往Time Auction曾邀請前財政司司長曾俊華、歌手鄭秀文等社會名人出席義工聚餐；亦曾經舉辦過抽獎，俾義工用義工時數抽韓國人氣女團Blackpink嘅演唱會飛，獎賞種類非常多元。 【探索獎賞】 （四）點解會成立Time Auction？ Time Auction 喺2014年成立，2017年註冊成為慈善機構。創辦人發現香港人做義工嘅比例低於其他國際城市，於是萌生用義工時數換獎賞嘅諗法，希望鼓勵更多香港市民用空餘時間做義工，令NGO得到自己需要嘅技能支援嘅同時，義工又可以兌換自己想要嘅活動獎勵，達致雙嬴局面。 （五）Time Auction上面有咩義工活動？ Time Auction 上面70%嘅義工專案係線上或遙距可以完成。義工種類涵蓋辦公室技能支援（如平面設計、文案寫作）、現場活動技能支援（如活動攝影、活動協調員）、專業建議和諮詢（如商業諮詢、法律意見諮詢）等。 （六）點樣搵義工服務？ 喺Time Auction平台上，義工可以選擇服務範疇、擅長技能、服務所需時數等篩選條件，搜尋到最符合專長嘅義工服務。 如果唔想自己搜尋咁麻煩，Time Auction 定期有電郵（Email）通知義工最新嘅義工招募項目，義工可以根據分類一次過瀏覽同自己專業技能（Professions）相關嘅項目。義工亦可以瀏覽Time Auction 嘅Instagram同LinkedIn帳戶了解每星期精選嘅義工招募項目。 【探索義工機會】 （七）點樣註冊成為Time Auction 義工？ Time Auction嘅義工註冊步驟非常簡單，新用戶只要喺Time Auction 網頁用Facebook、LinkedIn或電郵地址就可以註冊，註冊後即時可以喺每星期100+項義工服務中搵最啱你心水嘅服務去申請！ 【立即申請】
近年ESG（Environmental, Social, and Governance，中文名為「環境、社會及管治」）日漸受社會關注，各大集團主動擔起企業社會責任（Corporate Social Responsibility），推出唔同慈善公益計劃支援社區發展，期望將企業收益回饋大眾，創造可持續發展嘅社會（Sustainable society）。 其實除咗推出慈善公益計劃之外，安排企業員工參與企業義工計劃（Corporate Volunteering）都係種回饋社會嘅方法。以下係參與企業義工計劃嘅好處，同實行企業義工計劃嘅方法。 （1）企業義工計劃的好處 企業義工計劃的好處（一）打造良好的企業形象 近年社會嘅可持續發展（SDG）意識提高，客戶會關注企業有冇履行企業社會責任（CSR），企業社區參與（Corporate Community Involvement）程度，潛在合作夥伴同投資者更會去睇企業關心嘅社會議題（例如減碳行動、支援弱勢社群）同自己嘅關注點是否吻合，從而判斷合作或投資嘅可能性。有社區參與實績嘅企業，既可以提高品牌形象（Brand image）同聲譽，又可以增加曝光率（Brand exposure），提升品牌知名度。 企業義工計劃的好處（二）增強員工凝聚力 企業可以選擇同自己理念相乎嘅義工服務計劃，強調企業嘅價值觀和社會責任，俾員工更加了解企業嘅使命同目標，展示企業嘅人本精神，建立共享價值（Shared value），進而提高員工對企業嘅認同，增加士氣同凝聚力。 企業義工計劃的好處（三）分享資源予初創非牟利組織 非牟利組織（NGO）由於資金唔充裕，好多時要面對資源同人手不足嘅困難。若果企業員工可以運用自己嘅專業知識同技能，為NGO提供技能培訓或專業服務，可以令更多NGO或社企（Social enterprises）度過初創難關，令佢地嘅社會計劃可以惠及更多人。 （2）實行企業義工計劃的方法 實行企業義工計劃的方法（一）參與團體義工服務 企業員工人數眾多，為方便統一管理義工時數，企業可以選擇成立義工隊，帶領所有成員參與團體義工服務（Group volunteering），例如淨灘（Beach cleanup）、長者家居探訪（Elderly home visit）、慈善義賣（Charity sale）、賣旗（Flag-selling）、慈善嘉年華（Charity carnival）等，呢啲活動容許多人同時參與，係企業Team-building（團隊建設）可以選擇嘅活動，仲可以鼓勵員工帶埋家人齊齊做善事添！ 實行企業義工計劃的方法（二）參與義工平台的企業義工計劃 團體義工服務可以統一管理義工時數，但未必每個員工都可以抽到時間參與個別日子同時間的活動，而且好難確保所有員工都對嗰項活動有興趣。 呢種情況下，企業可以鼓勵員工登記成為義工平台的義工，定期瀏覽同自己技能相關嘅技能義工服務（Skilled-volunteers），例如為非牟利組織構思宣傳策略（Marketing strategy)，或者指導佢地申請資助（Funding），又例如幫手做翻譯（Translation）同行政支援（Administrative support）等，呢類技能義工服務可以在家完成，而且好多都屬於個人專案，企業員工可以挑選自己得閒嘅時間去做，自由度更大！但缺點就係好難督促員工係咪做緊義工，所以企業要推行呢類義工計劃，就要配合其他措施實行： （3）如何鼓勵員工積極參與義工服務 （一）增加誘因 企業可以用額外花紅（Bonus）或者額外假期VTO (Volunteer Time Off）獎勵參與義工計劃嘅員工，或者設立義工獎獎勵今年義工時數最多嘅員工，服務他人嘅同時員工亦有好處，可以吸引到更多員工主動加入企業義工計劃。 （二）增加條件 好嘅政策講究軟硬兼施，除咗用誘因吸引更多員工主動加入企業義工計劃外，企業亦可以設立每月義工時數KPI，呢項KPI可以分為個人同部門，令員工喺參與個人義工專案嘅同時，亦會帶領同事一齊參與。 （三）更方便尋找義工服務 怕員工有心做義工，但搵唔到有興趣嘅項目？企業可以主動提供義工資訊俾員工，或者將呢項重任交俾義工平台。例如香港義工配對平台Time Auction就推出咗企業義工計劃 （Corporate Volunteering Opportunities），員工只要做簡單登記程序就可以開義工帳戶，每個禮拜瀏覽近100個義工服務，一次過滿足不同員工技能和興趣；另一方面，企業亦可以一站式查看總義工人數同時數，更方便收集數據撰寫ESG報告（ESG Report）。 如欲了解企業義工計劃合作詳情，即刻嚟了解更多啦: 【了解更多】
